Instructions

پہلے ایک پتیلی میں پانی ڈال کر ابال لیں۔

اب اس میں نمک اور ثابت گرم مصالحہ کی پوٹلی بناکر شامل کریں۔

جب خوشبو آنے لگے تو اس میں چاول شامل کرکے ایک کنی ابال لیں۔

چھان کر ایک طرف رکھ دیں۔

قورمہ کے لئے: پہلے ایک پین میں تیل گرم کریں اور اس میں ثابت گرم مصالحہ شامل کریں۔

جب کڑکڑانے لگے تو اس میں پیاز ڈال کر براؤن کر لیں اور نکال کر ایک طرف رکھ دیں۔

اب اس میں بیف اور ادرک لہسن کا پیسٹ شامل کرکے بھونیں۔

پھر دہی، پسی ہلدی، کالی مرچ، سفید زیرہ، کُٹی لال مرچ، پسا دھنیا، جائفل جاوتری والا گرم مصالحہ پاؤڈر اور نمک شامل کرکے اچھی طرح پکالیں۔

اب حسب ضرورت پانی شامل کرکے اچھی طرح مکس کریں اور گوشت گلنے تک پکائیں۔

آخر میں ہری مرچ اور بریانی ایسنس شامل کرکے پکائیں۔

قورمہ تیار ہے۔

تہہ لگانے کے لئے: پہلے ایک پتیلی میں قورمہ کی تہہ لگائیں۔

اب اس پر آدھے چاول ڈالیں۔

پھر مصالحہ ڈالیں اور براؤن پیاز ڈالیں۔

پھر چاول ڈالیں اور زردے کا رنگ پانی میں گھول کر ڈالیں اور دم پر لگا دیں۔

دم پورا ہو جائے تو ڈش آؤٹ کر لیں۔